YANDEX GO PRIVACY NOTICE

Yandex GO maxfiylik eslatmasi

Yandex GO butun dunyo boʻylab ofislari boʻlgan xalqaro IT kompaniyasi tomonidan ishlab chiqilgan mobil va veb-ilovalardir (bundan keyin ikkalasi uchun ham “ilova” atamasi ishlatiladi).

Bizning ilovalarimiz hamkorlarimiz va filiallarimizdan transport va yetkazib berish xizmatlariga buyurtma berish imkonini beradi.

1. BU MAXFIYLIK ESLATMASI NIMA UCHUN?

Biz shaxsiy maʼlumotlarni himoya qilishga sodiqmiz hamda faoliyatimiz va shaxsiy maʼlumotlaringizni qayta ishlash usullarimiz haqida shaffof boʻlishni xohlaymiz.

Shu sababdan, bu Maxfiylik eslatmasining maqsadi sizning shaxsiy maʼlumotlaringizni qanday va nima uchun qayta ishlashimiz haqida sizga maʼlumot berish hisoblanadi.

2. SHAXSIY MAʼLUMOTLARINGIZNI KIM QAYTA ISHLAYDI?

2.1 Shaxsiy maʼlumotlaringiz mamlakatingizda xizmat koʻrsatuvchi kompaniya tomonidan qayta ishlanadi.

Mazkur kompaniyalar amaldagi maxfiylikka oid qonunlarga muvofiq “maʼlumotlar nazoratchisi” sifatida ishlaydi va shaxsiy maʼlumotlarni qayta ishlash maqsadlari va vositalarini belgilaydi.

Brend	Mamlakat	Kompaniya	Manzil
Yandex GO	Oʻzbekiston	YandexGo UB MCHJ	88А Amir Temur koʻchasi, 100084, Toshkent shahri, Oʻzbekiston Respublikasi

2.2 Bizning ilovalarimiz yagona autentifikatsiya vositasidan foydalanadi. Roʻyxatdan oʻtganingizdan soʻng, ilovalarimizdan biz ularni tarqatadigan istalgan mamlakatda foydalanishingiz mumkin. Agar siz biz tarqatadigan boshqa ilovalardan foydalanishni tanlamasangiz, shaxsiy maʼlumotlaringiz bu ilovalarga taqdim etilmaydi.

3. QAYSI SHAXSIY MAʼLUMOTLAR QANDAY VA NEGA QAYTA ISHLANADI?

Biz qayta ishlaydigan shaxsiy maʼlumotlarning toifalari, ushbu maʼlumotlarning manbasi, qayta ishlashning maqsadlari va huquqiy asoslari quyidagilardan iborat:

Manba	Maʼlumotlarning toifalari	Maqsadlar	Huquqiy asos
Siz bizga taqdim etasiz	Ism yoki taxallus, telefon raqami	i) Sizni bizning foydalanuvchimiz sifatida aniqlash va avtorizatsiya qilish, hisobingizni roʻyxatdan oʻtkazish va buyurtmangiz haqida siz bilan bogʻlanish uchun ii) Toʻlovlaringizni amalga oshirish uchun	Shartnoma*
	Buyurtmalar uchun manzillar	Hududingizda buyurtma berish, sotib olish va yetkazib berish uchun mavjud xizmatlar yoki tovarlarni sizga ko‘rsatish, buyurtmani joylashtirish, qayta ishlash va bajarish, manzillarni tezda tanlashda yordam berish, hisobingizni qo‘llab-quvvatlash uchun	Shartnoma*
	Mijozlarning sharhlari va xohishlari	Buyurtmani sizning xohishingizga koʻra qayta ishlash va bajarish uchun	Shartnoma*
	Bank maʼlumotlari	Toʻlovlaringizni amalga oshirish uchun	Shartnoma*
	Sizning rasmingiz va ovoz yozuvingiz	Shaxsingizni tasdiqlash, haydovchiga shaxsingizni tasdiqlash va koʻngilsiz vaziyat sodir boʻlgan taqdirda ovozingiz va rasmingizni avtomobilda yozib olish uchun****	i) Rozilik** ii) Xavfsizlikni taʼminlashdan qonuniy manfaatdorlik iii) Jamoat manfaatlari (xizmat koʻrsatilayotgan mamlakatdagi qoidalarga va xavfsizlik rejimi qarab)
	Email manzili	i) Buyurtmalaringiz haqida xizmat maʼlumotlarini yuborish, ilovalarimiz bilan bogʻliq muammolarni hal qilish uchun ii) Sizga bizning mahsulotlarimiz va takliflarimiz hamda hamkorlarimiz haqida maʼlumot berish, marketing tanlovlarida yoki boshqa tadbirlarda ishtirok etishingizni tashkil qilish uchun.	i) Shartnoma* ii) Rozilik**
	Toʻldirish shakllaridagi maʼlumotlar: ism, telefon raqami, elektron pochta manzili, foydalanuvchi xabari yoki fikr-mulohazasi	i) Fikr-mulohaza bildirish uchun ii) Mijozlarga xizmatga oid soʻrovingizni amalga oshirish uchun iii) Tashkilotlar haqida fikr-mulohazalaringizni eʼlon qilish uchun	i) Fikr-mulohazalarni olish va ushbu fikr-mulohazalar asosida xizmatimizni yaxshilashdan qonuniy manfaatdorlik ii) Shartnoma* iii) Shartnoma*
Qurilmangiz va ilovalarimizdan olingan	IP manzil, qurilma identifikatori, qurilma turi va modeli, mobil operatsion tizim, brauzer yoki mobil ilova tafsilotlari	Hisobingizga va IT-tizimlarimizga xavfsiz kirish uchun	Tizimlarimiz va foydalanuvchilarimiz maʼlumotlari xavfsizligini taʼminlashda qonuniy manfaatdorlik
	Reklama identifikatori	Maqsadli reklamalarni sozlash uchun	Rozilik**
Ilovalarimizdan foydalangan vaqtingizda yaratilgan	Foydalanuvchi identifikatori, buyurtmalar oraliq vaqti, buyurtmani bajarish uchun ketadigan vaqt, eng koʻp buyurtma qilingan xizmatlar yoki tovarlar, ilovalardan foydalanilganda koʻrilgan ekranlar soni, oʻrtacha buyurtma qiymati	i) Ilovani va foydalanuvchi taassurotini yaxshilash, tegishli xususiyatlarni taqdim etish, ilovalar interfeyslarini oʻzgartirish, tasdiqlanmagan buyurtmalarni oldini olish uchun ii) Marketing maqsadlarida foydalanuvchi faoliyatini tahlil qilish, marketing va biznes strategiyamizni yaxshilash uchun iii) Marketing tanlovlarida yoki boshqa tadbirlarda ishtirok etishingizni tashkil qilish uchun	i) Ilova, foydalanuvchi taassuroti va xizmatimizni yaxshilashda qonuniy manfaatdorlik ii) Marketing tadqiqotlarini oʻtkazishda qonuniy manfaatdorlik iii) Rozilik**
	Buyurtmalaringiz tafsilotlari: buyurtma sanasi va vaqti, qabul qilish punkti, belgilangan manzil, marshrut, narx, toʻlov usuli, avtomobil modeli va davlat raqami, haydovchining ismi, tashuvchining maʼlumotlari	Sizga buyurtmalaringiz tarixini taqdim etish, takroriy buyurtma funksiyasini yoqish va ilovalarimiz bilan bogʻliq muammolarni hal qilish uchun	Shartnoma*
Siz mijozlarga yordam xizmati jamoasiga taqdim etasiz	Buyurtma tafsilotlari va tarixi, aloqa maʼlumotlari, sharhlar, qoʻshimchalar, oʻzingizning xohishingiz bilan koʻrsatgan yoki yordam xizmati jamoasi oʻz xohishiga koʻra so'ragan boshqa maʼlumotlar	Sizga yordam berish va ilovalarimiz bilan bogʻliq muammolarni hal qilishda yordam berish uchun	Shartnoma*
Ilovalar orqali mijozlarga yordam xizmati jamoasi, haydovchilar, kuryerlar yoki yetkazib beruvchilar bilan muloqot qilganingizda hosil boʻlgan	Suhbatlarning yozuvlari, ilovalar ichida yoki boshqa vositalar orqali muloqotlaringiz va siz taqdim etgan yoki ilovalarimiz tomonidan yaratilgan boshqa maʼlumotlar	Bizning qonuniy huquqlarimiz va uchinchi shaxslarning huquqlarini himoya qilish, nizolar va qonuniy daʼvolarni hal qilish, audit oʻtkazish, koʻrsatilayotgan xizmat sifatini nazorat qilish uchun	Huquqlarimizni himoya qilish, nizolarni hal qilish va xizmatlarimiz sifatini nazorat qilishda qonuniy manfaatdorlik

* Shaxsiy maʼlumotlar, hisobingizni yaratishda qabul qilgan xizmatlarimizdan Foydalanish shartlarida belgilangan shartnoma asosida qayta ishlanadi (https://yandex.com/legal/yango_termsofuse/ saytida mavjud).

** Shaxsiy maʼlumotlarni qayta ishlashning har qanday turiga roziligingizni soʻraganimizda, biz sizga toʻplangan maʼlumotlar va maʼlumotlarni toʻplash maqsadi haqida xabar beramiz. Siz bunday rozilikni berishdan bosh tortishingiz mumkin va bu bizning ilovalarimizdan foydalanish imkoniyatingizga taʼsir qilmaydi. Istalgan vaqtda biz bilan bogʻlanish orqali roziligingizni qaytarib olishingiz mumkin.

*** Biz xizmat koʻrsatadigan yoki tegishli maʼlumotlar nazoratchisi oʻrnatilgan mamlakat qonunchiligi bizga muayyan qonuniy majburiyatlarni yuklashi mumkin. Ushbu qonunchilikka rioya qilish uchun shaxsiy maʼlumotlaringizni qayta ishlashimiz kerak. Biz shaxsiy maʼlumotlarni uchinchi davlat qonunlari asosida emas, balki faqat sizning mamlakatingiz (siz xizmatimizdan foydalanayotgan mamlakat) va/yoki xizmat koʻrsatuvchi tashkilotimiz roʻyxatdan oʻtgan davlat qonunlariga (agar bu sizning mamlakatingizdan farq qilsa) asosan qayta ishlaymiz.

**** Avtotransportda audio yozib olish favqulodda xususiyatdir va u faqat Yandex Go Foydalanish shartlariga muvofiq, tahdid, ziddiyat yoki xavf kabi istisno holatlarda haydovchi Ziddiyat tugmasini faollashtirganda foydalaniladi. Nizolarni hal qilish va xavfsizlik maqsadida yozish boshlanishidan oldin foydalanuvchi ham, haydovchi ham xabardor qilinadi.

4. BIZ SIZNING SHAXSIY MAʼLUMOTLARINGIZNI KIMGA TAQDIM QILAMIZ YOKI UZATAMIZ?

4.1 Shaxsiy maʼlumotlaringizni qabul qiluvchilar

Shaxsiy maʼlumotlaringiz faqat quyidagi tomonlarga beriladi:

i) Ilova ichidagi xizmatlarni taqdim etishda bevosita ishtirok etuvchi:

• Buyurtmani olish va bajarish bilan shugʻullanadigan va xuddi shu maqsadda dasturiy yechimlarni taqdim etadigan hamkorlarimiz;
• Elektron tranzaksiyalarni osonlashtiradigan toʻlov xizmatlari provayderlari va mobil pul xizmati provayderlari;
• Bizga elektron toʻlov funksiyalarini taqdim etuvchi hamda jinoiy daromadlarni legallashtirishga qarshi kurashish va mijozingizni bilish (know-your-customer) tekshiruvini amalga oshiradigan hamkorlarimiz;
• Mamlakatingiz uchun tegishli boʻlsa, bizning foydalanuvchilarga virtual bank kartalarini chiqaradigan hamkorlarimiz;
• Agar sizning mamlakatingizga tegishli boʻlsa, kreditlar beradigan mikromoliya tashkilotlari;
• Autentifikatsiya vositalarini taqdim etadigan filiallarimiz;
• Bizni serverlar, maʼlumotlarni saqlash va boshqa infratuzilma obyektlari bilan taʼminlaydigan filiallarimiz va uchinchi tomonlar; va
• Filiallarimiz va mijozlarga yordam xizmatida bizga yordam beradigan uchinchi tomonlar.

Shaxsiy maʼlumotlarni qayta ishlashda ishtirok etishi mumkin boʻlgan tashkilotlar quyidagi sahifada keltirilgan: https://yandex.com/legal/affiliates/?lang=en. Roʻyxatda keltirilgan barcha obyektlar maʼlumotlaringizni qayta ishlashda ishtirok etishi shart emas, chunki ularning ishtiroki siz foydalanadigan xizmatga va undan foydalanadigan mamlakatga bogʻliq. Mamlakatingizning maxfiylikka oid qonunlarini buzgan holda biz shaxsiy maʼlumotlarni kompaniyalarimizga taqdim etmaymiz.

ii) Amaldagi qonunga muvofiq, tegishli maʼlumotlar nazoratchisi quyidagi hollarda shaxsiy maʼlumotlaringizni olish huquqiga ega boʻladi:

• Masalan, agar huquqni muhofaza qilish organlari qonuniy ravishda shaxsiy maʼlumotlaringizga kirish huquqiga ega boʻlsa (mamlakatingizdagi va/yoki sizga xizmat koʻrsatayotgan bizning tashkilotimiz joylashgan mamlakat amaldagi qonunlarga muvofiq), yoki moliyaviy regulyatorlar shubhali faoliyat yoki tranzaksiyalarni tekshirish huquqiga ega boʻlsa. Biz shaxsiy maʼlumotlaringizni amaldagi maxfiylikka oid qonunga zid ravishda davlat organlariga taqdim qilmaymiz.

iii) Ilovamizni yaxshilashga yordam berish:

• Masalan, xizmatlarimizdan foydalanishda yuzaga kelgan texnik xatolar haqidagi maʼlumotlar ilovalarimizni ishlab chiqishda ishtirok etayotgan filiallarimizga taqdim qilinadi.

iv) Sizga mahsulotlar, xizmatlar va takliflar haqida maʼlumot berishimizga yordam berish:

• Masalan, reklama yoki qurilma identifikatorlari bizga reklama yoki tahlil xizmatlarini taqdim etadigan kompaniyalarga taqdim qilinishi mumkin.

4.2 Shaxsiy maʼlumotlaringizni xalqaro uzatish

Shaxsiy maʼlumotlaringiz taqdim etiladigan tomonlar turli mamlakatlarda joylashgan boʻlishi mumkin.

Ushbu mamlakatlarning baʼzilari siz xizmatdan foydalanadigan mamlakat kabi maʼlumotlar muhofazasi yoki maʼlumotlar subyekti huquqlarini bir xil darajada taʼminlamasligi mumkin. Bunday hollarda biz sizning huquqlaringiz hurmat qilinishini va oʻtkazish vaqtida va keyin shaxsiy maʼlumotlaringiz himoya qilinishini taʼminlash uchun zarur tartib-qoidalarga rioya qilamiz.

Bunday tartiblar quyidagilarni oʻz ichiga olishi mumkin (maxfiylik toʻgʻrisidagi amaldagi qonunlarga muvofiq):

i) Tegishli organlar tomonidan chiqarilgan maʼlumotlarni uzatish boʻyicha standart shartnoma shartlariga asoslangan maʼlumotlarni himoya qilishga doir kelishuvlar boʻyicha majburiyatlar;

ii) Sizning shaxsiy maʼlumotlaringiz uzatiladigan va qayta ishlanadigan mamlakatning mahalliy qonunini baholashimiz asosida qoʻshimcha shartnoma majburiyatlari;

iii) Maʼlumotlarni himoya qilish boʻyicha vakolatli organdan uzatishni roʻyxatdan oʻtkazish yoki ruxsat olish; va/yoki

iv) Noqonuniy, yaʼni biz xizmat koʻrsatadigan mamlakat qonunlariga mos kelmaydigan yoki shaxsiy maʼlumotlaringizga ruxsatsiz kirishning oldini olish uchun qoʻshimcha texnik va tashkiliy xavfsizlik choralari.

Biz doimo faoliyat yuritayotgan mamlakatlarning maxfiylikka oid qonunlariga, jumladan, xalqaro maʼlumotlarni uzatish talablari va cheklovlariga rioya qilamiz.

5. SHAXSIY MAʼLUMOTLARNI SAQLASH MUDDATLARI QANDAY?

Biz shaxsiy maʼlumotlaringizni qayta ishlash maqsadiga erishilgunga qadar qayta ishlaymiz.

5.2 Haqiqiy saqlash muddati qayta ishlangan shaxsiy maʼlumotlarga va qayta ishlash amalga oshirilayotgan mamlakatga bogʻliq. Masalan, mijozlarga yordam xizmatida, haydovchilar yoki kuryerlar bilan telefon suhbatlari yozuvlari odatda 3 oydan koʻp boʻlmagan muddatda saqlanadi.

5.3 Agar maʼlumotlarni qayta ishlash qonun tomonidan talab etilsa yoki bizning huquq va manfaatlarimiz yoki uchinchi shaxslarning huquq va manfaatlarini himoya qilish, xususan, sud jarayonlari uchun zarur boʻlsa, biz shaxsiy maʼlumotlaringizni, hatto uni ilovadan oʻchirib tashlaganingizdan keyin ham qayta ishlashni davom ettirishimiz mumkin.

Maʼlumotlarni oʻchirish qobiliyati soʻz va axborot erkinligi bilan bogʻliq qonunlar bilan ham cheklanishi mumkin.

6. QANDAY HUQUQLARINGIZ MAVJUD?

Maxfiylik toʻgʻrisidagi qonunlar boʻyicha siz bir qator huquqlarga egasiz. Siz uchun mavjud boʻlgan huquqlar sizning shaxsiy maʼlumotlaringizni qayta ishlash sababiga va amaldagi qonunlarga bogʻliq.

Autentifikatsiya vositasi yordamida ilovaga kirganingizdan so‘ng har doim shaxsiy ma’lumotlaringizga o‘zingiz kirishingiz, tuzatishingiz yoki o‘chirishingiz mumkin.

Ilovalarimiz orqali mijozlarni qo‘llab-quvvatlash jamoamiz bilan bog‘lanish orqali siz quyidagi huquqlardan foydalanishingiz mumkin:

6.1 Kirish huquqi

Siz har doim shaxsiy maʼlumotlaringizga kirishingiz mumkin. Shaxsiy maʼlumotlaringiz nusxasini talab qilish huquqiga egasiz.

6.2 Tuzatish huquqi

Siz bizdan xato, notoʻgʻri yoki eskirgan deb hisoblagan maʼlumotlarni yangilash yoki tuzatishni soʻrash huquqiga egasiz. Shuningdek, siz bizdan toʻliq emas deb hisoblagan har qanday maʼlumotni toʻldirishimizni soʻrash huquqiga egasiz.

6.3 Rozilikni qaytarib olish huquqi

Agar qayta ishlash sizning roziligingizga asoslansa, shaxsiy maʼlumotlaringizni qayta ishlashga roziligingizni qaytarib olish huquqiga egasiz.

6.4 Oʻchirish huquqi

Agar maʼlumotlar bizning maqsadlarimiz uchun boshqa kerak boʻlmasa, maʼlumotlaringizni qonuniy asossiz yoki boshqa noqonuniy tarzda qayta ishlasak, roziligingizdan qaytgan boʻlsangiz (agar qayta ishlash sizning roziligingiz asosida amalga oshirilgan boʻlsa), agar biz ma'lumotlaringizni bolaligingizda to'plagan bo'lsak yoki amaldagi qonunlarga muvofiq boshqa holatlarda siz bizdan shaxsiy maʼlumotlaringizni oʻchirib tashlashimizni soʻrashga haqlisiz.

6.5 Qayta ishlashni cheklash huquqi

Muayyan sharoitlarda shaxsiy maʼlumotlaringizga ishlov berishni cheklash huquqiga egasiz. Masalan, agar siz tuzatish huquqidan foydalanmoqchi boʻlsangiz, ma'lumotlaringiz tuzatilgunga qadar qayta ishlashni cheklashimizni soʻrashingiz mumkin.

6.6 Maʼlumotlarni koʻchirish huquqi

Agar shaxsiy maʼlumotlaringiz roziligingiz yoki biz bilan tuzilgan shartnoma asosida avtomatlashtirilgan vositalar bilan qayta ishlansa (masalan, sizga ilovaning xususiyatlarini taqdim etish uchun), siz maʼlumotlaringizni tuzilmali, umumiy ishlatiladigan va avtomatik oʻqish mumkin boʻlgan formatda olishga huquqingiz bor.

6.7 Eʼtiroz bildirish huquqi

Shaxsiy maʼlumotlaringizni qayta ishlash huquqlaringizni buzadi deb hisoblasangiz, unga eʼtiroz bildirish huquqiga egasiz. Eʼtiroz bildirish huquqi faqat maʼlumotlaringizni qonuniy manfaatlar yoki jamoat manfaatlari asosida qayta ishlayotganimizdagina amalga oshirilishi mumkinligini unutmang.

Siz butunlay avtomatlashtirilgan qayta ishlash, jumladan, profillash asosida qaror qabul qilish subyekti boʻlmaslik huquqiga egasiz. Biz butunlay avtomatlashtirilgan qayta ishlash, jumladan, profillash asosida qaror qabul qilmaymiz.

6.8 Shikoyat berish huquqi

Biz shikoyat va takliflaringizni koʻrib chiqishga doimo tayyormiz. Ularni mijozlarga yordam xizmati jamoamizga yuboring.

Huquqlaringiz buzilgan deb hisoblasangiz, tegishli nazorat organiga ham shikoyat qilishingiz mumkin.

Tegishli tartibga soluvchi organ va uning aloqa maʼlumotlari quyidagilar: O'ZBЕKISTON RЕSPUBLIKASI ADLIYA VAZIRLIGI HUZURIDAGI PЕRSONALLASHTIRISH AGENTLIGI, manzil Toshkent shahri, Yunusobod tumani BOG'ISHAMOL KO'CHASI, 160A-UY, tel.: 981987880, e-mail: info@dpm.uz

7. BIZ BILAN QANDAY BOGʻLANISH MUMKIN?

7.1 Tizimga kirganingizdan soʻng mobil ilova orqali mijozlarga yordam jamoamizga murojaat qilishingiz mumkin.

7.2 Maʼlumotlarni himoya qilish boʻyicha mutaxassisimiz bilan quyidagi email orqali bogʻlanishingiz mumkin dpo_yt@yandex-team.com. Ilovamizda roʻyxatdan oʻtish vaqtida foydalangan telefon raqamingizni kiriting, bu sizni tezda aniqlashimizga yordam beradi.

8. BU HUJJAT QANDAY OʻZGARTIRILADI?

Ushbu Maxfiylik eslatmasiga jiddiy oʻzgartirishlar kiritilgan taqdirda, biz sizni xabardor qilish uchun har qanday mavjud vositalardan (ilovadagi “push” bildirishnomalar, SMS yoki elektron pochta) foydalanishimiz mumkin.

Bu, masalan, qayta ishlanadigan shaxsiy maʼlumotlarning yangi toifalarini yoki maʼlumotlar qayta ishlanadigan yangi maqsadlarni qoʻshsak, shunday boʻladi. Bunday oʻzgarishlar kuchga kirishidan oldin sizga xabar beriladi.

Eʼlon qilingan sana: 25.06.2024.

Oldingi versiyasi: https://yandex.com/legal/yandexgo_privacy_notice/29092023/