Yandex.Go

O'zbekiston. O'zbek tili

Yandex.Taxi (Yandex Go) xizmatidan foydalanish shartlari

 

1. Umumiy qoidalar

1.1. Ushbu shartlar (keyingi oʻrinlarda – “Shartlar”) Ridetech International B.V. kompaniyasining (keyingi oʻrinlarda – “Yandex.Taxi”) internet tarmogʻi foydalanuvchisiga (keyingi oʻrinlarda– “Foydalanuvchi”) Yandex.Taxi (Yandex.Go) xizmatidan foydalanish taklifini bildiradi.

1.2. Foydalanuvchining Xizmatlardan foydalanishi ushbu Shartlar, shuningdek Maxfiylik siyosati ( https://yandexgo.com/legal/yandexgo_privacy_notice) bilan tartibga solinadi.

(keyingi oʻrinlarda – “Tartibga soluvchi hujjatlar”)

1.3. Xizmatdan / uning alohida funksiyalaridan foydalanishni boshlash bilan Foydalanuvchi ushbu Shartlarni, shuningdek, Meʼyoriy hujjatlar shartlarini toʻlaligicha, hech qanday shartlarsiz va istisnolarsiz qabul qilgan deb hisoblanadi. Foydalanuvchi Shartlarning va (yoki) Meʼyoriy hujjatlarning biror bandiga rozi boʻlmagan taqdirda Foydalanuvchi Xizmatdan foydalanmaslik huquqiga ega.

1.4. Yandex.Taxi istalgan vaqtda Foydalanuvchiga xabar bermay ushbu Shartlarning bandlarini oʻzgartirish huquqiga ega. Ushbu Shartlarning amaldagi tahriri quyidagi manzilda mavjud: https://yandexgo.com/legal/yandexgo_termsofuse. Shartlar va Meʼyoriy hujjatlarning yangi tahriri bilan tanishmaslik masʼuliyati Foydalanuvchi zimmasida, Shartlar va Meʼyoriy hujjatlar oʻzgarganidan keyin Xizmatdan foydalanishda davom etish ularning yangi tahririga rozilikni anglatadi.

1.5. Agar “Yandex” kompaniyasi ushbu Shartlarga Foydalanuvchi rozi boʻlmagan oʻzgarishlarni ushbu Shartlarning 1.4 bandida nazarda tutilgan tartibda kiritgan boʻlsa, Foydalanuvchi Xizmatdan foydalanishni toʻxtatishi shart.

1.6. Xizmat Foydalanuvchiga yoʻlovchi va yuk tashish toʻgʻrisidagi maʼlumotlarni bepul joylash, shuningdek, ushbu yoʻnalishda xizmat koʻrsatuvchi tashkilotlar takliflari toʻgʻrisidagi maʼlumotlar bilan tanishish va Foydalanuvchi belgilagan parametrlarga muvofiq bunday takliflarni izlash imkoniyatini taqdim etadi. Ayni damda Xizmatda mavjud barcha funksiyalar, shuningdek, ularning har qanday rivojlanishi va (yoki) yangi funksiyalarning qoʻshilishi ushbu Shartlarning predmeti hisoblanadi.

1.7. Foydalanuvchining mintaqasiga qarab barcha yoki ayrim funksiyalar mavjud boʻlmasligi yoki cheklangan boʻlishi mumkin. Agar Foydalanuvchi ulardan ochiq foydalana olmasa, muayyan mintaqadagi Foydalanuvchi uchun funksiyalar mavjud emas (cheklangan) deb hisoblanadi. Bu cheklovlarni chetlab oʻtish uchun istalgan texnik yoki dasturiy usullarni qoʻllash taqiqlanadi. Xizmatning Foydalanuvchi uchun mavjud boʻlmagan (cheklangan) funksiyalarini tartibga soluvchi ushbu Shartlar bandlari bunday funksiyalar Foydalanuvchi uchun ochiq boʻlmaguniga qadar amal qilmaydi. Muayyan mintaqada Xizmat funksiyalarning mavjudligi haqidagi maʼlumot Foydalanuvchining Yandex.Taxi xizmatiga yuborgan soʻrovi asosida unga taqdim etiladi.

1.8. Shubhalarga oʻrin qoldirmaslik uchun Yandex.Taxi yoʻlovchilar va yuklarni tashish, shuningdek, axborot-dispetcherlik xizmatlarini koʻrsatmaydi.

1.9. Foydalanuvchining yordam xizmati va Xizmat hamkorlarining haydovchilari bilan olib boradigan barcha suhbatlari sifatni nazorat qilish va xizmatlarni yaxshilash maqsadida yozib borilishi mumkin.

1.10. Xizmatdan foydalanish bilan Foydalanuvchi reklama mazmunidagi xabarlarni olishga oʻz roziligini bildiradi. Foydalanuvchi Xizmatning tegishli funksiyalaridan foydalangan holda yoki reklama mazmunidagi xabarda koʻrsatilgan yoʻriqnomaga rioya qilgan holda reklama mazmunidagi xabarlarni olishni rad etishga haqli.

 

2. Xizmatdan foydalanish. Xizmatning alohida funksiyalari

2.1. Xizmat Foydalanuvchi uchun shaxsiy notijoriy maqsadda foydalanish uchun taqdim etiladi.

2.2. Yoʻlovchilar va yuk tashishga oid xizmatlar haqidagi maʼlumot (keyingi oʻrinlarda – “Maʼlumot”) Xizmat hamkorlari tomonidan taqdim etilgan. Hamkorlar roʻyxati bilan quyidagi manzilda tanishish mumkin: http://taxi.yandex.com/partners. Taklif etiladigan xizmatlar (jumladan, taksi mashinasida Wi-Fi ulanish nuqtasi borligi, Huquq egasi hamkorlari tomonidan taksi mashinasida foto/video tasvirga olish yoki boshqa axborot) haqida batafsil maʼlumot olish uchun Foydalanuvchi Xizmat hamkorlariga murojaat qilishi yoki Xizmatning funksional imkoniyatlaridan foydalanib, Xizmat hamkorlari tomonidan Foydalanuvchi bilan mustaqil aloqaga chiqishga va taklif etiladigan xizmatlarga oid maʼlumotlarni taqdim etish uchun qoʻllaniladigan aloqa maʼlumotlarini berishi mumkin.

2.3. Yandex.Taxi Xizmat hamkorlari tomonidan taqdim etiladigan maʼlumotlar, jumladan, hamkorlar xizmatlarining narxi, shuningdek, ularning ayni vaqtda mavjudligi haqidagi maʼlumotlarning mazmuni va (yoki) dolzarbligi uchun javobgar emas. Xizmatlarni xarid qilishga oid masalalar boʻyicha Foydalanuvchining hamkorlar bilan oʻzaro muloqoti hamkorlar qabul qilgan xizmat koʻrsatish qoidalariga asosan mustaqil ravishda (Yandex.Taxi ishtirokisiz) amalga oshiriladi. Yandex.Taxi Foydalanuvchi va hamkorlar oʻrtasida amalga oshirilayotgan moliyaviy va har qanday boshqa operatsiyalar, shuningdek, Foydalanuvchining hamkorlar xizmatini sotib olishi bilan bogʻliq har qanday oqibatlar uchun javobgar emas.

2.4. Foydalanuvchi Xizmat hamkorlari xizmatlarini baholash, shuningdek Xizmat va (yoki) Xizmat hamkorlarining xizmatlari haqida izoh/fikr-mulohaza qoldirish funksiyasidan foydalanishi mumkin. Foydalanuvchilarning baholari va fikr-mulohazalari Xizmatning veb-saytida, shuningdek, uchinchi shaxslar veb-saytlarida joylashtiriladi. Yandex.Taxi har qanday baho/fikr-mulohazani joylashtirishni rad etish, shuningdek, istalgan paytda Foydalanuvchi tomonidan joylashtirilgan baho/fikr-mulohazani oʻz ixtiyori bilan va sabablarini bayon qilmasdan oʻchirish/bloklash huquqiga ega.

2.5. Yandex.Taxi Foydalanuvchining hisobidan foydalangan holda Xizmatdan (yoki Xizmatning maʼlum funksiyalaridan, agar bunga texnologik jihatdan imkon boʻlsa) foydalanish imkoniyatini cheklash yoki ushbu Shartlarni bir necha marta buzilgan hollarda Foydalanuvchi hisobini butunlay bloklash, yoki qonunchilik talablari yoxud uchinchi shaxslarning huquqlari va qonuniy manfaatlariga rioya qilish maqsadida Foydalanuvchiga boshqa choralar koʻrish huquqini oʻzida saqlab qoladi.

2.6. Aktual maksimal tariflar haqidagi maʼlumot Xizmat veb-saytida va/yoki Yandex.Go mobil ilovasida joylashtirilgan. Taksi xizmatlariga talab ortgan vaqtlarda (jumladan, bayram oldi kunlari, ommaviy tadbirlar oʻtkazilgan kunlarda va boshqa holatlarda) Xizmatning maksimal tariflari oshishi mumkin. Yandex.Taxi maksimal tariflarning oshishi haqida Xizmatning http://taxi.yandex.com veb-saytida tegishli bildirishnomalar joylashtirish yoki Yandex.Taxi istagan boshqa usullar, jumladan, Foydalanuvchiga mobil telefon raqamiga informatsion xabar yuborish va boshqa usullar orqali bildiradi.

2.7. Yoʻlovchilar va yukning “Ekonom”, “Komfort”, “Biznes” va Xizmatda taqdim etilgan boshqa tariflarda tashilishiga oid xizmatlar turli klassdagi avtomobillarda amalga oshiriladi. Avtomobilni u yoki bu klassga kiritish Xizmat hamkorlari tomonidan taqdim etilgan avtomobil xarakteristikasi haqidagi maʼlumotlarga asoslanib avtomatik tarzda amalga oshiriladi.

2.8. Avtomobil Foydalanuvchi tomonidan belgilangan taqdim etish joyiga yetib kelganidan keyin Foydalanuvchi transport xizmatlaridan voz kechgan taqdirda taksi xizmati buyurtmani bekor qilganlik uchun komissiya undiradi. Bunday komissiya miqdori avtomobil haqiqatda taqdim etiladigan joyga kelganidan yoki taksi xizmati tomonidan Foydalanuvchiga yuborilgan maʼlumot xabarida koʻrsatilgan vaqtdan boshlab, avtomobil taqdim etiladigan joyga kelganidan (keyin yuz bergan voqeaga qarab) Foydalanuvchi transport xizmatlaridan bosh tortguniga boʻlgan vaqtgacha transport xizmatlari narxiga oʻxshash tarzda hisoblanadi. Foydalanuvchi Xizmat orqali taksi xizmatiga axborot xabarini yuborish orqali transport xizmatlaridan voz kechadi. Agar tegishli taksi xizmati qoidalarida yoki Foydalanuvchi bilan taksi xizmati vakili (haydovchi) oʻrtasidagi kelishuvda boshqacha tartib nazarda tutilmagan boʻlsa, agar Foydalanuvchi oʻzi tarafidan belgilangan taqdim etish joyiga kelgan avtomobilga transport xizmatlarini koʻrsatish uchun tegishli tarifda nazarda tutilgan kutish vaqtini qoʻshib, 10 (oʻn) daqiqa ichida oʻtirmagan boʻlsa, Foydalanuvchi transport xizmatlaridan bosh tortgan deb hisoblanadi. Aeroportdagi transport xizmatlaridan voz kechish uchun komissiya transport xizmatlari uchun tegishli tarif boʻyicha avtomobilning shahar tashqarisidagi taqdim etish joyiga yetib kelgani uchun qoʻshimcha toʻlovni hisobga olgan holda hisoblanadi.

2.8.1. Agar Foydalanuvchi turgan joyda boʻsh avtotransport vositalari boʻlmasa, unga qoʻshimcha haq evaziga uzoqroq joydan transport vositasi yordamida tashish xizmatiga buyurtma berish taklif qilinishi mumkin (“Pulli taqdim etish taklifi”). Foydalanuvchi Yandex Go mobil ilovasidagi tegishli tugmani bosish orqali oʻz xohishiga koʻra Pulli taqdim etish taklifini qabul qilishi yoki rad etishi mumkin. Pulli taqdim etish taklifi qabul qilingan taqdirda, Pulli taqdim etish Taklifining narxi tashish xizmati narxiga qoʻshiladi va (1) tegishli transport vositasining haqiqiy joylashuvi va Foydalanuvchi turgan joy oʻrtasidagi masofa va (2) bunday transport vositasining oʻz haqiqiy joylashuvidan siz turgan joyga yetib borishi uchun ketadigan vaqt asosida hisoblab chiqiladi. Pulli taqdim etish taklifi qabul qilinganidan keyin Foydalanuvchi Pulli taqdim etish Taklifini qabul qilganidan keyin besh (5) daqiqa yoki undan koʻproq vaqt oʻtgach buyurtmani bekor qilishga qaror qilsangiz (bemavrid bekor qilish), Foydalanuvchidan Pulli taqdim etish Taklifining toʻliq qiymati yechib olinadi (faqat bank kartasi orqali toʻlanadigan tashish xizmatlariga nisbatan qoʻllaniladi).

2.9. Xizmatdan foydalanish bilan Foydalanuvchi Yandex.Taxi kompaniyasiga Foydalanuvchining shaxsiy axborotini (shu jumladan, shaxsiy maʼlumotlarini) qayta ishlashga, Foydalanuvchining shaxsiy maʼlumotlarini Yandex.Taxi hamkorlariga uzatishga va Xizmat doirasida Foydalanuvchiga xizmatlar taqdim etish maqsadlarida foydalanuvchining shaxsiy maʼlumotlarini Yandex.Taxi hamkorlari tomonidan qayta ishlanishiga rozilik beradi. Xizmatdan foydalanishda Foydalanuvchining shaxsiy maʼlumotlari Maxfiylik siyosatida koʻrsatilgan shartlar va maqsadlarda qayta ishlash uchun uzatiladi, ular bilan quyidagi manzilda tanishish mumkin: https://yandexgo.com/legal/yandexgo_privacy_notice.

2.10. Foydalanuvchi “Hamroh” parametridan foydalanish imkoni boʻlishi mumkin, uning doirasida Taksi xizmati safar davomida boshqa Foydalanuvchining soʻrovini qabul qilish va ikkita Foydalanuvchini ularning oʻz Soʻrovlari doirasida bir vaqtning oʻzida bitta transport vositasida tashish (bir vaqtda ikkita soʻrovni bajarish) huquqiga ega.

Foydalanuvchi “Hamroh” parametridan foydalanib soʻrov yuborganida, foydalanuvchi belgilangan parametr doirasidagi shartlar va cheklovlarga roziligini tasdiqlaydi, jumladan:

  • safarni amalga oshirish vaqtida Taksi xizmati boshqa foydalanuvchining soʻrovini bajarish uchun qabul qilish huquqiga ega, shu munosabat bilan a) ikkinchi Soʻrovni bajarish uchun safar yoʻnalishining oʻzgarishi, b) dastlabki hisoblangan yoʻldagi vaqt uzayishi mumkin;
  • Foydalanuvchi “Hamroh” parametridan foydalangan holda So‘rov yuborilganida, bunday So‘rov doirasida faqat bitta yo‘lovchi safar qilishi mumkin. Bu shuni anglatadiki, “Hamroh” parametri doirasida bir vaqtning oʻzida ikkita soʻrovni amalga oshirishda transport vositasida ikki nafardan ortiq yoʻlovchi boʻlishi mumkin emas;
  • Soʻrovlarni bajarishda safar marshruti Xizmat algoritmlari asosida yoki Taksi xizmatining ixtiyoriga koʻra belgilanadi;
  • parametr doirasida Xizmatning boshqa qoʻshimcha imkoniyatlari mavjud boʻlmasligi mumkin.

Xizmat hamkorlari qoʻshimcha cheklovlar, shu jumladan, yoʻlovchilar yukining oʻlchamlariga nisbatan cheklovlar belgilashi mumkin. Agar Foydalanuvchi belgilangan talablarga rioya qilmasa, Xizmat hamkorlari Foydalanuvchi safarini amalga oshirishdan bosh tortishga haqli.

 

3. Yoʻlovchilar va yuk tashish boʻyicha Xizmatning naqd pulsiz toʻlov funksiyasi

3.1. Tegishli xizmatga nisbatan ehtimoliy talab toʻgʻrisidagi axborot Xizmatidan foydalangan holda joylangan soʻrov boʻyicha Foydalanuvchiga koʻrsatilgan yoʼlovchi va yuk tashish xizmatlari uchun toʻlov Foydalanuvchi tomonidan amalga oshirilishi mumkin:

3.1.1. bevosita taksi xizmatiga (shu jumladan naqd pulda yoki agar mavjud boʻlsa, koʻrsatilgan taksi xizmati tomonidan taqdim etilgan boshqa yoʻllar bilan, keyingi oʻrinlarda ushbu Shartlar matnida va Xizmat interfeysida – “Naqd pul”). Koʻrsatilgan toʻlov turi Yandex.Taxi ishtirokisiz amalga oshiriladi va ushbu Shartlar bilan tartibga solinmaydi.

3.1.2. Foydalanuvchi Ulangan bank kartasidan naqd pulsiz toʻlov funksiyasidan foydalanishi mumkin (ushbu Shartlarning 3.2-bandi); bu holatda Yandex.Taxi tegishli taksi xizmati nomidan yoki boshqa asosda, toʻlovlarni qabul qilish boʻyicha vakolatli operator yoki elektron pul mablagʻlari operatori yoxud hisob-kitob operatsiyalarida yoki oʻzaro axborot munosabatlarida ishtirok etuvchi boshqa shaxsni jalb qilgan holda ish olib boradi va taksi xizmati agenti sifatida yoki boshqa maqomda toʻlovning qabul qiluvchisi hisoblanadi (keyingi oʻrinlarda – “naqd pulsiz toʻlov”). Yandex.Taxi naqd pulsiz toʻlov imkoniyatini taqdim etish boʻyicha Xizmat faoliyatida xato va nosozliklar yoʼqligiga kafolat bermaydi.

Foydalanuvchi mintaqasiga qarab, naqd pulsiz toʻlov Yandex.Taxi xizmatining oluvchi sifatidagi ishtirokisiz yoki Yandex.Taxi xizmatini hisob-kitoblarning boshqa ishtirokchisi yoki axborot almashinuvi ishtirokchisi sifatida jalb qilgan holda amalga oshirilishi mumkin.

Tegishli toʻlov shaklining tanlovi Foydalanuvchi tomonidan Xizmat interfeysida amalga oshiriladi. Shu bilan birga, agar biror sabab bilan naqd pulsiz toʻlovni amalga oshirish imkoni boʻlmasa (shu jumladan, ushbu funksiyaning texnik jihatdan vaqtincha ishlamayotgani, Ulangan kartadan foydalangan holda naqd pulsiz toʻlovni vaqtincha yoki doimiy ravishda amalga oshirish mumkin emasligi, Ulangan kartada mablagʻ yetarli boʻlmasligi va boshqalar), Foydalanuvchi naqd pul bilan toʻlash majburiyatini oladi.

Naqd pulsiz toʻlov bilan yoʻlovchi va yuk tashish xizmatining toʻliq narxi uchun bitta tranzaksiyani, shuningdek, safar davomida yoki yakunida qismlarga boʻlingan narx uchun bir necha tranzaksiyalarni amalga oshirish mumkin.

Naqd pulsiz toʻlovda, yoʼlovchilar va yuk tashish xizmati uchun toʻlov bilan bir qatorda, Foydalanuvchi oʻz xohishiga koʻra yoʻlovchilar va yuk tashish boʻyicha pullik xizmat narxining maʼlum foizi nisbatida taksi xizmati foydasiga qoʻshimcha naqd pulsiz toʻlovni amalga oshirish imkoniyatiga ega (keyingi oʻrinlarda ushbu Shartlar matnida va Xizmat interfeysida – “Choy puli”).

3.2. Ulangan bank kartasi Xizmat interfeysiga Foydalanuvchi tomonidan kiritiladi, bunda foydalanuvchi quyidagi maʼlumotlarni kiritadi:

  • bank kartasi raqami;
  • amal qilish muddati;
  • himoya kodi.

Agar bank kartasi maʼlumotlari toʻgʻri va amalda boʻlsa hamda Xizmat doirasida ushbu bank kartasini texnik jihatdan qoʻllash imkoni boʻlsa, koʻrsatilgan bank kartasi Ulangan statusini oladi va naqdsiz toʻlov uchun ishlatilishi mumkin. (Amaldagi Shartlarning 3.1.2 bandi) Xizmat interfeysida Barcha ulangan kartalar koʻrinadi; Ulangan karta bilan muomalada Foydalanuvchiga qulay boʻlishi uchun Ulangan karta raqamining oxirgi 4 ta raqami koʻrsatiladi.

3.2.1. Shuningdek, Foydalanuvchi Xizmat bilan integratsiyani dastaklaydigan tashqi xizmatlari interfeysiga ulangan karta haqidagi, shuningdek, ulangan karta haqidagi ma’lumotlarni Yandex.Taxiga uzatmay Foydalanuvchi tarafidan to‘lovni avtorizatsiya qiladigan hisob-kitoblar ishtirokchilari haqidagi maʼlumotlarni koʻrsatishi mumkin. Bu holatda amaldagi hujjatning 3.2 va 3.3 bandlaridagi qoidalar qoʻllanilmaydi.

Ushbu hujjatda koʻrsatilgan tashqi xizmatlardan foydalanish ushbu tashqi xizmatlarning qoidalari bilan tartibga solinadi. Yandex.Taxi Foydalanuvchining bunday tashqi xizmatlaridan foydalanishi uchun javobgar emas va bunday tashqi xizmatlarining toʻgʻri va xavfsiz ishlashiga kafolat bermaydi.

3.3. Ulangan karta qoʻshilganida, shuningdek, agar Foydalanuvchi muayyan safar uchun naqd pulsiz toʻlov funksiyasini tanlasa, Ulangan karta maʼlumotlarining aniqligi va haqiqiyligini tasdiqlash zarur boʻlgan 5 Rossiya rubli (yoki Foydalanuvchi mintaqasi valyutasidagi boshqa summa) miqdorida pul yechib olinadi; tranzaksiya muvaffaqiyatli yakunlangan taqdirda koʻrsatilgan summa Foydalanuvchiga qaytariladi. Belgilangan summani yechib olish boʻyicha muvaffaqiyatsiz urinish ushbu Ulangan kartani qoʻshish imkonsiz ekani va (yoki) mos ravishda naqd pulsiz toʻlov funksiyasi mavjud emasligini anglatadi.

3.4. Ulangan kartani qoʻshishda, shuningdek, uni qoʻshgandan keyin istalgan vaqtda Foydalanuvchi Xizmat interfeysi orqali Choy pulining birlamchi hajmini belgilash va (yoki) oʻzgartirish imkoniyatiga ega; muayyan safar uchun Choy puli miqdori ushbu safar tugaganidan soʻng Xizmat interfeysida Foydalanuvchi tomonidan oʻzgartirilishi mumkin.

3.5. Foydalanuvchi safar tugaganidan keyin 30 daqiqa ichida Xizmat interfeysida safarga ijobiy baho (4-5 yulduz) qoʻygan va “Tayyor” tugmasini bosgan boʻlsa yoki safarni ijobiy ham, salbiy ham baholamagan (birorta yulduz qoʻymagan) va “Tayyor” tugmasini bosgan boʻlsa, Ulangan kartadan (standart yoki foydalanuvchi tomonidan muayyan safar uchun maxsus belgilangan miqdordagi) choy puli yechib olinadi.

3.6. Agar Foydalanuvchi safar tugaganidan keyin 30 daqiqa ichida Xizmat interfeysida safarga salbiy baho (1-3 yulduz) qoʻygan va “Tayyor” tugmasini bosgan boʻlsa, Ulangan kartadan Choy puli yechib olinmaydi.

3.7. Agar Foydalanuvchi safar tugaganidan keyin 30 daqiqa ichida “Tayyor” tugmasini bosmasa, (standart miqdordagi yoki foydalanuvchi tomonidan muayyan safar uchun belgilangan miqdordagi) choy puli summasi Ulangan kartada 24 soatga bloklanadi, bu vaqt ichida Foydalanuvchi ushbu safar uchun choy puli miqdorini koʻproq yoki kamroq qilib oʻzgartirish imkoniyatiga ega. Belgilangan vaqt oʻtganidan soʻng Foydalanuvchi tomonidan (birlamchi yoki ushbu konkret safar uchun) belgilangan miqdorda Choy puli yechib olinadi.

3.8. Naqd pulsiz toʻlov Foydalanuvchi tomonidan toʻlovlarni qabul qilish boʻyicha vakolatli operator yoki elektron pul mablagʻlari operatori ishtirokida amalga oshiriladi va xalqaro toʻlov tizimlari, banklar (shu jumladan, Ulangan kartanining emitent banki) va hisob-kitoblarning boshqa ishtirokchilarning qoidalari bilan tartibga solinadi.

3.9. Foydalanuvchi ushbu Shartlarning 3.2 bandiga muvofiq oʻz maʼlumotlarini koʻrsatishda va keyinchalik Ulangan kartadan foydalanishda oʻz nomiga berilgan amaldagi bank kartasi toʻgʻrisida ishonchli va toʻliq maʼlumotlarni taqdim etishini; xalqaro toʻlov tizimlari qoidalariga va Ulangan kartani chiqargan emitent bankning talablariga, shu jumladan, naqd pulsiz hisob-kitoblarni amalga oshirish tartibiga rioya qilishini tasdiqlaydi va kafolatlaydi.

3.10. Foydalanuvchi oʻzi tasdiqlagan mobil telefon raqamidan foydalangan holda Xizmat doirasida amalga oshirilgan barcha amallar, shu jumladan, Ulangan bank kartasi yordamidagi naqd pulsiz toʻlovlar Foydalanuvchi tomonidan amalga oshirilgan deb hisoblanishini tushunadi va bunga rozilik beradi.

3.11. Agar Foydalanuvchi naqd pulsiz toʻlov fakti va (yoki) summasidan hamda Xizmat doirasida Ulangan kartadan foydalanish bilan bogʻliq boshqa masalalardan norozi boʻlsa, Foydalanuvchi Xizmatda koʻrsatilgan telefon raqamlari orqali va (yoki) yordam xizmati (teskari aloqa) interfeysi orqali naqd pulsiz toʻlov amalga oshirilgan yoki murojaatga sabab boʻlgan boshqa amallar yoki voqealar sodir boʻlgan kundan boshlab 14 kun ichida Yandex.Taxiga murojaat qilishga haqli.

Agar bunday murojaat boʻyicha tekshiruv natijalariga koʻra, Yandex.Taxi naqd pulsiz toʻlov summasini toʻliq yoki qisman qaytarish toʻgʻrisida qaror qabul qilsa, ushbu qaytarish naqd pulsiz toʻlov amalga oshirilgan bank kartasining bank hisob raqamiga amalga oshiriladi. Pul mablagʻlarini qaytarish tartibi toʻlovlarni qabul qilish boʻyicha vakolatli operator yoki elektron pul mablagʻlari operatori ishtirokida amalga oshiriladi va xalqaro toʻlov tizimlari, banklar (shu jumladan, Ulangan kartaning emitent banki) va boshqa hisob-kitob ishtirokchilarining qoidalari bilan tartibga solinadi. Yandex.Taxi Ulangan karta boʻyicha hisob-kitoblar ishtirokchisi boʻlmagan hollarda, Yandex.Taxi foydalanuvchilarning yuqoridagi masalalar boʻyicha murojaatlarini taksi xizmatlariga, dispetcherlik markazi yoki Ulangan kartaga oid yuqorida tilga olingan operatsiyalar boʻyicha toʻlovni qabul qiluvchi boʻlgan boshqa shaxsga uzatuvchi shaxs sifatida harakat qilishi mumkin.

3.12. Yandex.Taxi istalgan vaqtda Foydalanuvchidan Xizmat doirasida kiritgan maʼlumotlarini, shu jumladan, Ulangan karta maʼlumotlarini tasdiqlashni talab qilish va bu boradagi tasdiqlovchi hujjatlarni (xususan, shaxsni tasdiqlovchi hujjatlarni) talab qilish huquqini oʻzida saqlab qoladi. Ushbu maʼlumotlarni taqdim etmaslik Yandex.Taxi tarafidan yolgʻon maʼlumot taqdim etishga tenglashtirilishi va ushbu Shartlarning 2.5 bandida nazarda tutilgan oqibatlarga olib kelishi mumkin.

3.13. Ushbu boʻlimda koʻrsatilgan yoʻlovchi va yuk tashish xizmati uchun haq toʻlash shartlari va tartibi toʻgʻrisidagi qoidalar, agar bunday xizmat haqi Foydalanuvchi uchun Yandex.Taxi va uchinchi tomon bilan tuzilgan alohida shartnoma shartlari boʻyicha uchinchi shaxs tomonidan amalga oshirilgan holatda qoʻllanilmaydi.

 

4. Yandex Taxi rekvizitlari

“Raydtex Interneyshnl B.V” (Ridetech International B.V.), (registratsiya raqami 64591069)

Masʼuliyati cheklangan xususiy kompaniya

Sxipxol bulvari 291, 1118 VN Sxipxol, Niderlandiya

(Schiphol Boulevard 291, 1118 BH Schiphol, the Netherlands)

Tel.: +31(0)202402740

Faks: +31(0)202402741

email: support@taxi.yandex.com

Chop etilgan sana: 15.05.2023